“Sumqayıt”ın futbolçusunun ayağını sındıran Rahid Ağazadə cəzalandırılıb. Sumqayıt24 bu haqda 6 dekabr tarixində xəbər verir.
AFFA İntizam Komitəsi "Lerik"in futbolçusu Ağazadəyə bütün turnirlərə şamil olunan 6 oyunluq cəza verib. “Lerik” klubu isə 300 manat cərimə edilib.
Səbəb isə "Sumqayıt"la Azərbaycan Kubokunun II təsnifat mərhələsi matçında onun Kristian Velinovskiyə qarşı etdiyi kobudluqdur.
Həmin oyunda Ağazadə birbaşa qırmızı vərəqə alıb. Şimali Makedoniyalı futbolçu isə bir neçə aylıq sıradan çıxıb.
