Titullu idmançılar şagirdlərlə görüşüblər. Sumqayıt24 bu haqda 6 dekabr tarixində xəbər verir.
Boks üzrə Afina Yay Olimpiya Oyunlarının bürünc mükafatçısı, “Tərəqqi” medalçısı Fuad Aslanov və usta cüdoçular arasında 11 qat Dünya, 9 qat Avropa çempionu Fərhad Rəcəbli ilə uşaqların görüşü Mehdi Hüseynzadə adına stadionda keçirilib.
Məktəblilər stadionda boks, cüdo təlim-məşq zalları və futbol meydançası ilə tanış olub, Fərhad Rəcəbli və Fuad Aslanovdan tövsiyələr alıb, onlara suallar veriblər.
Qeyd edək ki, görüş “İdmançılarımızı tanıyaq” layihəsi çərçivəsində Abşeron-Xızı Regional Gənclər və İdman İdarəsi və Abşeron-Xızı Regional Təhsil İdarəsi tərəfindən təşkil edilib.
