“Sumqayıt” klubu “Turan Tovuz”la qarşılaşacaq. Sumqayıt24 bu haqda 15 fevral tarixində xəbər verir.
Matç Misli Premyer Liqasının 23-cü turu çərçivəsində keçiriləcək. “Sumqayıt” rəqibini 18 fevral saat 15:30-da Mehdi Hüseynzadə adına Sumqayıt şəhər stadionunda qəbul edəcək.
Qarşılaşmanı həm “CBC Sport” telekanalı vasitəsilə, həm də stadiondan izləyə bilərsiniz. Qiyməti 2, 3, 5 və 10 manat olan biletlər bu gün saat 11:00-dan etibarən iTicket.az və 1 saylı Sumqayıt “ASAN Xidmət” mərkəzində satışa çıxarılıb. Həmçinin oyun günü Mehdi Hüseynzadə adına stadionun kassasından da bilet əldə etmək mümkündür.
