“Sumqayıt” ilk iki dövrədəki statisikasını bölüşüb. Sumqayıt24 bu haqda 26 dekabr tarixində xəbər verir.
Klubumuz 7 qələbə, 6 heç-heçə və 5 məğlubiyyətlə yadda qalıb. Hazırda 27 xalı olan “Sumqayıt” turnir cədvəlinin 4-cü pilləsindədir. Baş məşqçi Samir Abasov geridə qalan 18 turda 21 futbolçudan yararlanıb. Bunlardan Murad Xaçayev (18 oyun, 1620 dəqiqə), Roi Kehat (18 oyun, 1332 dəqiqə), Səbuhi Abdullazadə (18 oyun, 1289 dəqiqə (əvəzlənmədən) və Masaki Murata (18 oyun, 1206 dəqiqə) keçirilən bütün qarşılaşmalarda iştirak ediblər. Rövlan Muradov və Kamran Əliyev isə yuxarıdakı 4 futbolçudan bir oyun az keçiriblər.
Komandamız ilk iki dövrədə 19 qol vurub. 5 qolun müəllifi Roi Kehat olub. Rövlan Muradov 3, Erik Sorqa, İsa Suliman, Kamran Əliyev 2, Səbuhi Abdullazadə, Kamran Quliyev, Masaki Murata və Elvin Bədəlov isə hərəyə 1 dəfə fərqləniblər. Qeyd edək ki, bir qolumuz avtoqol nəticəsində vurulub.
“Kapital Bank Arena”da dolu tribunalar önündə keçirilən matçları ümumilikdə 11.836 azarkeş canlı izləyib.
