Veteran futbolçu Vüqar Quliyev yeni peşə seçib. Sumqayıt24 bu haqda 20 fevral tarixində Oxu.az-a istinadən xəbər verir.
Azərbaycan yığmasının sabiq müdafiəçisi Sumqayıt futbol məktəbinin yetirməsidir. O, yerli “Xəzər” FK ilə yanaşı, “Qarabağ”, “MKT-Araz” və “Bakı”nın formalarını da geyinib. İkincilərin heyətində Çempionlar Liqasında çıxış edib. Son iş yeri isə “Sumqayıt” FK olub. Klubun akademiyasında məşqçi kimi çalışıb.
Hazırda Quliyev “Mercedes Sprinter” markalı avtomobil sürür. Müxtəlif rayonlara sifarişlər qəbul edir.
Qeyd edək ki, o, akademiyanın baş koordinatoru Hakan Sünalla yaşadığı problem səbəbindən sevimli peşəsindən uzaq düşüb.
