Basketbol üzrə Sumqayıt şəhər turniri başa çatıb. Bu haqda bu gün, 16 iyul tarixində Gənclər və İdman Baş İdarəsinə istinadən xəbər veririk.
Turnir 7 nömrəli məktəbin basketbol meydançasında keçirilib. Yarış Milli Olimpiya Komitəsinin yaradılmasının 30 illik yubileyinə həsr edilib. 3x3 basketbol turnirində şəhərdə fəaliyyət göstərən gənclər təşkilatları iştirak edib.
Gənclərin İnkişaf və Karyera Mərkəzinin komandası 1-ci, Təhsil Respublika İdman Mərkəzi Sumqayıt 1 nömrəli İOEUGİŞM-in komandası 2-ci, Sumqayıt Gənclər Evinin komandası isə 3-cü yerə sahib olublar.
Qaliblərə Fəxri fərman və medallar təqdim olunub.
