Sumqayıtlı paracüdoçular Qran-pri turnirində medallar qazanıblar. Sumqayıt24 bu haqda 4 dekabr tarixində xəbər verir.
Yarış Yaponiyanın paytaxtı Tokioda təşkil olunub. Vüqar Şirinli (60 kq) J2 kateqoriyasında finaladək bütün rəqiblərinə qalib gəlib. O, həlledici qarşıdurmada özbəkistanlı Kemran Nurillayevə məğlub olaraq gümüş medalla kifayətlənib.
Eyni kateqoriyada mübarizə aparan Şəhanə Hacıyeva da (48 kq) finala qədər irəliləməyi bacarıb. Lakin burada qazaxıstanlı Nautbek Akmarala uduzub.
Paracüdoçumuz Namiq Abaslı (73 kq) isə J2 kateqoriyasında özbəkistanlı Feruz Sayıdova qalib gələrək bürünc mükafat əldə edib.
