“Sumqayıt” futbol klubu 3 ildir ki, “Zirə”ni yenə bilmir. Sumqayıt24 bu haqda sentyabr tarixində xəbər verir.
“Kimyaçılar” Azərbaycan Premyer Liqasında bakılılara qarşı keçirdiyi son 11 matçda 3 xalın sevincini yaşamayıb. Komandamız “qartallar”ı sonuncu dəfə 2020-ci ilin oktyabrında məğlub edib.
Ondan sonra baş tutan 11 duelin 4-də bərabərlik qeydə alınıb, 7 dəfə isə “Zirə” qalib gəlib. Qeyd edək ki, qəsəbə komandası son 8 matçın 7-də “Sumqayıt”dan üstün olub.
“Sumqayıt” ölkə çempionatının 6-cı turunun açılış oyununda “Zirə”nin qonağı olacaq. “Zirə” buna qədər doğma arenasında 9 dəfə meydanı qalib tərk edib. “Sumqayıt” isə 5 səfər görüşündən 1 xalla dönübsə, cəmi bir dəfə rəqibini məğlubiyyətə uğradıb. Onların yeganə səfər qalibiyyəti 2016-cı ilin avqustuna təsadüf edir.
Sabahkı oyun “Zirə” ilə “Sumqayıt”ın ümumilikdə çempionat tarixində 32-ci qarşılaşması olacaq. 8 illik rəqabətdə indiyə qədər “Zirə” 17, “Sumqayıt” 6 qələbə qazanıb, 8 görüş isə heç-heçə yekunlaşıb. Top fərqində də bakılıların böyük üstünlüyü var – 43:22.
Matç 15 sentyabr saat 17:00-da Zirə İdman Kompleksinin stadionunda keçiriləcək.
