“Təhsil” Respublika İdman Mərkəzinin minifutbol turniri yekunlaşıb. Bu haqda 23 fevral tarixində Sumqayıt24 xəbər verir.
Xocalı soyqırımı qurbanlarının xatirəsinə həsr olunmuş yarış 2011-2012-ci il təvəllüdlü oğlanlar arasında keçirilib.
Yarışa uşaq-gənclər idman-şahmat məktəblərindən 8 komanda qatılıb.
Gərgin mübarizə şəraitində keçən turnirdə:
- 2 nömrəli Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbi – 1-ci yeri;
- “Vətən” İxtisaslaşdırılmış Olimpiya Ehtiyatları Uşaq-Gənclər Futbol Məktəbi – 2-ci yeri;
- Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbi – 3-cü yeri tutub.
Qalib komandalar kubok, diplom və medalla təltif olunub.
