Sumqayıtlı idmançılar Məktəblilərin respublika çempionatının zona mərhələsində 44 medal qazanıblar. Bu haqda 24 may tarixində Sumqayıt24 xəbər verir.
Azərbaycan Respublikasının Gənclər və İdman Nazirliyi, Azərbaycan Respublikasının Elm və Təhsil Nazirliyi, Azərbaycan Cüdo Federasiyası və Abşeron–Xızı Regional Gənclər və İdman İdarəsinin birgə təşkilatçılığı ilə 21-22 may 2024-cü il tarixlərində Sumqayıt Olimpiya İdman Kompleksində cüdo idman növü üzrə Məktəblilərin respublika çempionatının zona mərhələsinə yekun vurulub.
Yarışda Sumqayıt şəhərinin (13 qızıl, 11 gümüş, 20 bürünc), Abşeron (1 qızıl, 4 gümüş) və Xızı (2 qızıl, 1 bürünc) rayonlarının idmançıları müxtəlif çəki dərəcələrində I, II III yerləri tutaraq medallarla təltif edilib və yarışların final mərhələsində iştirak etmək hüququ qazanıblar.
Azərbaycan Respublikasının Gənclər və İdman Nazirliyi
