Sumqayıtda idman həftəsi başlayır

Həftənin idman afişası açıqlanıb. Sumqayıt24 bu haqda 26 dekabr tarixində xəbər verir.

Abşeron-Xızı Regional Gənclər və İdman İdarəsi Sumqayıt şəhərində keçiriləcək idman tədbirlərinin cədvəlini təqdim edib:

• 31 Dekabr – Dünya Azərbaycanlılarının Həmrəyliyi Gününə həsr edilmiş boks üzrə 2010-2011-ci il təvəllüdlü oğlan və qızlar arasında Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbinin birinciliyi (26-28 dekabr saat 15:00-da Sumqayıt şəhər 1 nömrəli İOEUGİŞM);


• Futbol üzrə nümunəvi çıxışlar (27 dekabr saat 17:00, Sumqayıt Olimpiya İdman Kompleksi);


• 31 Dekabr – Dünya Azərbaycanlılarının Həmrəyliyi Gününə həsr edilmiş cüdo üzrə 2007-2008-ci il təvəllüdlü oğlan və qızlar arasında İxtisaslaşdırılmış Olimpiya Ehtiyatları Uşaq-Gənclər İdman Məktəbinin açıq birinciliyi (28-29 dekabr saat 11:00, Mehdi Hüseynzadə adına şəhər stadionu, Cüdo təlim-məşq bazası);


• 31 Dekabr – Dünya Azərbaycanlılarının Həmrəyliyi Gününə həsr edilmiş futbol üzrə 2009-2010-cu il təvəllüdlü oğlanlar arasında İxtisaslaşdırılmış Olimpiya Ehtiyatları Uşaq-Gənclər İdman Məktəbinin açıq birinciliyi (28-29 dekabr saat 16:00, Sumqayıt Olimpiya İdman Kompleksi);


• 31 Dekabr – Dünya Azərbaycanlılarının Həmrəyliyi Gününə həsr edilmiş şahmat üzrə rapid turniri (29 dekabr saat 10:00, Sumqayıt şəhər 2 nömrəli Uşaq-Gənclər İdman-Şahmat Məktəbi).