16 yaşadək (U-16) voleybolçu oğlanlar arasında Azərbaycan birinciliyi keçiriləcək. Sumqayıt24 bu haqda 23 fevral tarixində xəbər verir.
Yarış fevralın 25-də Şirvan Olimpiya İdman Kompleksində start götürəcək. Burada 10 komanda mübarizə aparacaq. Kollektivlər iki qrupa bölünəcək və bir dövrədə yarışacaqlar. Oyunlar dairəvi sistemlə keçiriləcək. Qruplarda ilk iki yeri tutan kollektivlər pley-offa adlayacaqlar. Daha sonra yarımfinal və üçüncülük uğrunda qarşılaşmalar baş tutacaq.
Azərbaycan birinciliyinin açılış mərasimi saat 10:30-da olacaq. Ardınca isə yarışın ilk qarşılaşması keçiriləcək. Həmin gün daha üç oyun baş tutacaq.
Qeyd edək ki, A qrupuna düşən“Sumqayıt”ın rəqibləri “Murov Az Terminal-2”, “Tovuz”, “Hacıqabul” və “Oğuz”dur. İlk qarşılaşmamız “Tovuz”a qarşı olacaq. Oyun 25 fevral saat 14:30-da start götürəcək.
