Sumqayıtda “İdman hamı üçün” layihəsi çərçivəsində voleybol idman növü üzrə ustad dərsləri keçirilib. Bu haqda 8 may tarixində Sumqayıt24 Abşeron–Xızı Regional Gənclər və İdman İdarəsinə istinadən məlumat verir.
Ümummilli lider Heydər Əliyevin 101 illiyinə həsr olunmuş tədbir 20 nömrəli tam orta məktəbdə baş tutub. Yeniyetmə oğlanların iştirak etdikləri dərsdə voleybolun özəllikləri barədə məlumat verilib, müəyyən texniki-taktiki hərəkətləri yerinə yetirilib.
Layihənin təşkilində məqsəd şəhərdə voleybol idman növünün kütləviliyinin təmin edilməsi, uşaqlar və yeniyetmələr arasında dostluq münasibətlərinin möhkəmləndirilməsidir.
