Saatlıda 200-dən artıq qız şahmatçı turnirə qatılıb. Sumqayıt24 bu haqda 22 may tarixində xəbər verir.
Yarış Ailə, Qadın və Uşaq Problemləri üzrə Dövlət Komitəsinin təşkilatçılığı və Azərbaycan Şahmat Federasiyasının dəstəyi ilə baş tutub.
Bağlanış mərasimindəki çıxışçılar arasında Azərbaycan Şahmat Federasiyasının nümayəndəsi, beynəlxalq qrosmeyster Zeynəb Məmmədyarova da olub. O, şahmatçı qızları təbrik edib, federasiyanın qadın şahmatının inkişafına böyük önəm verdiyini vurğulayıb, turnirin mahiyyətini diqqətə çatdırıb.
Yekunda qaliblər medal, diplom və hədiyyələrlə mükafatlandırılıblar. Hər bir iştirakçıya sertifikat və şahmat hədiyyə edilib.
