Bu gün, oktyabrın 31-də İlham Əliyevin ilk dəfə Azərbaycan Prezidenti kimi and içməsindən 22 il keçir.
Sumqayit24.az xəbər verir ki, 2003-cü ilin bu günü Prezident İlham Əliyev Azərbaycan Respublikasının dövlət başçısı kimi ilk dəfə and içib.
Bu hadisə ölkəmizin müasir tarixində dönüş nöqtəsi olub. Azərbaycan xalqı 15 oktyabr 2003-cü ildə keçirilən seçkilərdə öz səsini Ulu Öndər Heydər Əliyev siyasətinin davamına, sabitliyə və inkişaf yoluna verib.
Heydər Əliyevin həmin dövrdə xalqa müraciətində dediyi "İlham Əliyev mənim siyasi varisimdir" sözləri öz təsdiqini tapdı.
Prezident İlham Əliyevin rəhbərliyi ilə Azərbaycan gücləndi, torpaqlar azad edildi, xalqın arzusu gerçəkləşdi.
Bu gün Azərbaycan qalib, sabit və güclü dövlət kimi həmin andiçmə gününü qürurla xatırlayır.
