Sumqayıtda Musiqi Kolleci orta məktəbə köçürülür. Bu haqda 27 mart tarixində Sumqayıt24 Oxu.az-a istinadən məlumat verir.
Vəziyyət 20 nömrəli məktəbdə yaranıb. Artıq avadanlıqların daşınmasına başlanılıb. Yaxın günlərdə musiqi alətləri təhsil ocağına gətiriləcək. Yəni məktəbdə həm dərs tədris olunacaq, həm də kollec tələbələri musiqi alətlərində ifa edəcəklər. Məktəb şagirdlərinin valideynləri isə mövcud vəziyyətdən narazıdırlar.
Abşeron-Xızı Regional Təhsil İdarəsindən bildirilib ki, mövzu ilə bağlı xəbərdardırlar. Qurum bu istiqamətdə araşdırma apardıqdan sonra valideynlərə dəqiq cavab bildirəcək.
