Sumqayıtda batan gəncin meyiti tapılıb. Sumqayıt24 bu haqda 22 aprel tarixində Fövqəladə Hallar Nazirliyinə (FHN) istinadən xəbər verir.
Hadisə Taxtakörpü–Ceyranbatan su kanalının Sumqayıt şəhəri ərazisindən keçən hissəsində baş verib. 27 yaşlı Zeynalabdin Həsənovun cansız bədəni Xüsusi Riskli Xilasetmə Xidmətinin dalğıc-xilasediciləri tərəfindən kanalın Ceyranbatan su anbarı ilə birləşməsində aşkarlanıb.
