Sumqayıt şəhər 28 May Diyarşünaslıq Evinin qarşısında "Elimizə bahar gəlir" adlı bayram tədbiri keçirilib. Bu haqda 19 mart tarixində Sumqayıt24 xəbər verir.
Tədbirdə Qubadlının icra başçısı Malik İsaqov, hüquq-mühafizə orqanları, RİH-nin məsul işçiləri, idarə, müəssisə, təşkilat rəhbərləri və kollektivləri, səhid ailələri, qazilər, fəal gənclər, idmançılar və ictimaiyyət nümayəndələri iştirak ediblər.
Mədəniyyət evinin qarşısında təşkil olunmuş əl işlərindən ibarət sərgi nümayiş olunub. Novruz tonqalı alovlandırılıb. Tonqalı Azərbaycanın Milli Qəhrəmanı, Şəhid Şükür Həmidovun oğlu Nurlan Həmidov alovlandırıb.
Bayram şənliyi geniş konsert proqramı ilə davam etdirilib, Novruz atributları olan Bahar qız, Kosa və Keçəlin iştirakı ilə şən musiqi nömrələri ilə, rəqslərlə, kəndirbazın çıxışı ilə yekunlaşıb.
