Sumqayıt şəhər 5 nömrəli məktəbin şagirdləri İqtisadi Zonaların İnkişafı Agentliyinin nəzdindəki Peşə Təhsil Mərkəzinə səfər ediblər. Bu haqda 7 mart tarixində Sumqayıt24 xəbər verir.
Ekskursiyada təhsil müəssisəsinin direktoru Bəşir Şəfiyev, həmin məktəbin Tərbiyə işləri üzrə direktor müavini Arzu Əliyeva və şagirdlər iştirak ediblər.
Səfər zamanı məktəblilərlə məlumat xarakterli görüş keçirilib və onların sualları cavablandırılıb. Şagirdlər burada tədrisin təşkili, tədris otaqları, kitabxana, idman zalı, laboratoriyalar və emalatxanalarla, eləcə də avadanlıqlar və onların iş prosesi ilə yaxından tanış oldular.
