Qida Təhlükəsizliyi Agentliyinin (AQTA) sədri Sumqayıtda qəbul keçirib. Sumqayıt24 bu haqda 7 mart tarixində xəbər verir.
Qoşqar Təhməzli şəhərimizdən, eləcə də Abşeron, Xızı, Qubadlı və Zəngilan rayonlarından olan vətəndaşlarla Heydər Əliyev Mərkəzində görüşüb.
AQTA-nın məsul əməkdaşlarının qatıldığı qəbulda vətəndaşların müraciətləri diqqətlə dinlənilib. Onların bir qismi yerindəcə həll olunub, bəzi məsələlər araşdırılması üçün nəzarətə götürülüb. Agentliyin fəaliyyət dairəsinə aid olmayan müraciətlər qeydə alınıb və müvafiq qurumlara çatdırılacaq.
Həmçinin qida sahəsində işləmək istəyən müvafiq ixtisaslara yiyələnmiş vətəndaşların da müraciətlərinə baxılıb.
