Bir neçə müntəzəm avtobus marşrutu müsabiqəyə çıxarılır. Sumqayıt24 bu haqda 1 mart tarixində xəbər verir.
Onların arasında Sumqayıt-Ağcabədi, 501 nömrəli (Sumqayıt-Saray-BBAK) və 504 nömrəli şəhərlərarası (Sumqayıt-BBAK) xətlər də var. Sənədlər 29 mart saat 17:00-dək Azərbaycan Yerüstü Nəqliyyat Agentliyində (ünvan: Bakı şəhəri, Tarzən Hacı Məmmədov küçəsi, 5; əlaqələndirici şəxs: Elsevər Qədimov – tel.: 012-567-99-76, 050-855-53-55, e-poçt: [email protected]) qəbul ediləcək. Sənədləri təqdim edərkən bayram günlərini nəzərə almaq xahiş olunur.
Qeyd edək ki, müsabiqəyə əsas avtobuslarla yanaşı, ehtiyat nəqliyyat vasitələri də təqdim olunmalıdır.
İddiaçıların təkliflərinə komissiya tərəfindən Sumqayıt-Ağcabədi istiqamətində 5 lot üzrə aprelin 9-da, 501 nömrəli (Sumqayıt-Saray-BBAK) və 504 nömrəli şəhərlərarası (Sumqayıt-BBAK) üzrə isə 5 lot üzrə aprelin 23-də baxılacaq.
