Memarlıq və İnşaat Universitetinin tələbələri Sumqayıt Kimya Sənaye Parkında olublar. Sumqayıt24 bu haqda 3 iyun tarixində xəbər verir.
Təhsil ocağının nümayəndələri rəhbər heyətlə görüşüb, “Azerfloat” şirkətinin şüşə zavodu və onun fəaliyyəti haqda məlumatlandırılıblar. Sonra tələbələr zavodun əməkdaşları ilə birgə ərazini gəzib, xammal materialı saxlanılan anbarları, laboratoriyaları, şüşənin istehsal prosesini, keyfiyyətə nəzarət məntəqəsini, hazır şüşənin saxlanması anbarlarının iş prosesinə şahidlik ediblər.
