Bu gün Vətən müharibəsi şəhidi Abdullah Əhmədovun mövlududur.
Abdullah Əhməd oğlu Əhmədov 2002-ci ildə Sumqayıt şəhərində anadan olub.
Azərbaycan Ordusunun əsgəri olan Abdullah 2020-ci il sentyabrın 27-də başlanan Vətən müharibəsi zamanı Talışın azadlığı uğrunda gedən döyüşlərdə savaşıb. Vətən müharibəsinin ilk günlərindən döyüşə qatılan Abdullah Əhmədov Tərtər rayonunun Talış kəndi istiqamətində gedən döyüşlərdə düşmən mərmisinə tuş gələrək oktyabrın 2-də şəhidlik zirvəsinə ucalıb.
Əhmədov Sumqayıt şəhərinin Şəhidlər xiyabanında torpağa tapşırılıb.
Qəhrəmanımız ölümündən sonra “Vətən uğrunda” medalı ilə təltif edilib.
