Bu gün qəhrəman Vətən müharibəsi şəhidi Teymur Əzizovun mövlud günüdür.
Teymur Əli oğlu Əzizov 1987-ci ildə Sumqayıt şəhərində anadan olub. Azərbaycan Silahlı Qüvvələrinin leytenantı olan Əzizov 2020-ci ilin 27 sentyabr tarixində başlanan Vətən müharibəsi zamanı Cəbrayılın və Füzulinin azadlığı uğrunda gedən döyüşlərdə savaşıb. Qəhrəmanımız oktyabrın 6-da Füzuli istiqamətində döyüş tapşırığını yerinə yetirərkən şəhid olub.
Göstərdiyi qəhrəmanlığa görə ölümündən sonra "Vətən uğrunda", "Cəbrayılın azad olunmasına görə" və "Füzulinin azad olunmasına görə" medalları ilə təltif edilib.
