Od çərşənbəsi Novruz bayramının ikinci çərşənbəsidir.
Od qədimdən işıqlı sabah, xeyir-bərəkət rəmzi olub. Bu çərşənbədə daha böyük tonqallar yandırılır. Ənənəyə görə, insanlar bu gün tonqal qalayıb alovun üzərindən tullanmaqla daxildə olan bütün xəta və bəladan qurtulurlar. Bu çərşənbədə odun, tonqalın yandırılması həmin ilin isti, bərəkətli keçməsinə işarədir. Od çərşənbəsindən sonra təbiət isinər, insanlara xoşbəxtlik gətirər.
Od çərşənbəsinə, həmçinin “Üzgü çərşənbə”, “Üzgü axşamı”, “Adlı çərşənbə” də deyirlər.
