Bu gün müasir Azərbaycanın qurucusu Heydər Əliyevin vəfatından 20 il keçir.
Heydər Əlirza oğlu Əliyev 1923-cü il mayın 10-da Naxçıvanda anadan olub.
Heydər Əliyev Naxçıvan Pedaqoji Texnikumunu bitirib. Bakıda o, 1939-cu ildə indiki ADNSU-da, 1957-ci ildə isə indiki BDU-da təhsil alıb.
O, 21 yaşında təhlükəsizlik orqanlarında çalışmağa başlayıb. 1967-ci ildə Azərbaycan SSR Nazirlər Soveti yanında Dövlət Təhlükəsizliyi Komitəsinin sədri vəzifəsinə təyin edilib. 1969-cu ildə Azərbaycan Kommunist Partiyası Mərkəzi Komitəsinin birinci katibi seçilib. 1987-ci ildə Heydər Əliyev Sovet İttifaqı Kommunist Partiyası Mərkəzi Komitəsinin sonuncu Baş katibi Mixail Qorbaçovun siyasətinə etiraz edərək, tutduğu vəzifələrdən imtina edib.
Heydər Əliyev 15 iyun 1993-cü ildə Azərbaycan Respublikası Ali Sovetinin sədri seçilib. O, 2 dəfə Azərbaycan Respublikasının Prezidenti seçilib: 1993-cü və 1998-ci illərdə.
Heydər Əliyev 12 dekabr 2003-cü ildə ABŞ-nin Klivlend klinikasında vəfat edib və Birinci Fəxri xiyabanda dəfn olunub.
