Bu gün şəhid Ruslan İmanquliyevin doğum günüdür.
Ruslan Natiq oğlu İmanquliyev 1996-cı ildə Sumqayıt şəhərində ziyalı ailəsində anadan olub. O, H. Aslanov adına 22 saylı tam orta məktəbdə təhsil alıb. 2012-ci ildə həmin məktəbin 9-cu sinfini bitirərək təhsilini 1 nömrəli Sumqayıt şəhər Peşə Liseyində davam etdirib.
Vətən müharibəsi zamanı ilk gündən ön cəbhədə vuruşan İmanquliyev oktyabrın 2-də Füzuli istiqamətində gedən ağır döyüşlərdə şəhidlik zirvəsinə ucalıb. Sumqayıt şəhər Şəhidlər xiyabanında dəfn olunub.
Qəhrəmanımız ölümündən sonra “Vətən uğrunda” və “Füzulinin azad olunmasına görə” medalları ilə təltif edilib.
