Sumqayıt Dövlət Universitetində (SDU) tədbir keçirilib. Sumqayıt24 bu haqda 28 may tarixində xəbər verir.
Birləşmiş Millətlər Təşkilatının İqlim Dəyişmələri üzrə Çərçivə Konvensiyasının 29-cu sessiyası (COP29) ilə bağlı görüşdə Milli Hidrometeorologiya Xidmətinin əməkdaşları iştirak ediblər.
İştirakçılar qlobal və regional iqlim dəyişmələri və onun Azərbaycana təsirləri, təhlükəli atmosfer hadisələri, iqlim dəyişmələrini yaradan mənbələr, bununla mübarizə tədbirləri, atmosferə atılan istixana qazlarının miqdarının azaldılması sahəsində öhdəliklər, həyata keçirilən tədbirlər və Bakıda keçiriləcək COP29-a hazırlıq prosesindən məlumatlandırılıblar.
Milli Hidrometeorologiya Xidmətinin mütəxəssisləri müəllim və tələbə heyətinə “COP29 – Tərəflər Konfransı”, "İstixana qazları emissiyalarının azaldılması istiqamətində fəaliyyətlər”, “Sumqayıt şəhəri sahilyanı ərazilərdə iqlim dəyişmələrinə uyğunlaşma” mövzularında təqdimatlar nümayiş etdirib, suallarını cavablandırıblar.
