Sumqayıtda 3 nəfəri öldürüb, 3 nəfəri yaralamaqda şübhəli bilinən Müşfiq Tağıyevin məhkəməsi başlayır. Sumqayıt24 bu haqda 15 iyun tarixində Report.az-a istinadən xəbər verir.
Cinayət işinə hakim Hafiz Əliyevin sədrliyi ilə Sumqayıt Ağır Cinayətlər Məhkəməsində baxılacaq. Hazırlıq iclası iyulun 10-na təyin olunub.
Qeyd edək ki, hadisə 28 oktyabr 2023-cü ildə baş verib. Corat bağlarındakı fərdi yaşayış evində iki nəfər – Susana Karakaş və Dağbəyi Fərəcov odlu silahdan qətlə yetiriliblər.
Hadisə zamanı Tərlan Fərəcova, Serkan Karakaş, daha sonra əraziyə gələn qonşular – Etibar Sarıyev və Mehman Sarıyev yaralanıblar. Sonradan Türkiyə xəstəxanasına köçürülən Serkan Karakaş da vəfat edib.
Polis əməkdaşları şübhəli qismində Corat qəsəbə sakini, 37 yaşlı Müşfiq Tağıyevı tutublar.
