Sumqayıt Tibb Mərkəzində (STM) uzman oftalmoloq-cərrah Rəsul Dadayev fəaliyyətə başlayıb. Bu haqda 29 mart tarixində Sumqayıt24 xəbər verir.
Uzman Rəsul Dadayev 2 nömrəli Xəstəxananın Göz şöbəsində işə başlayıb.
O, 1993-cü ildə Zaqatala rayonunda anadan olub. Azərbaycan Tibb Universitetinin Müalicə işi fakültəsində təhsil aldıqdan sonra Türkiyənin Ankara şəhərində “Hacettepe” Universitetinin Tibb fakültəsində klinik təcrübə keçib.
2018-2022-ci illərdə Ankara Universitetinin Tibb fakültəsinin Oftalmologiya kafedrasında uzmanlıq təhsilinə yiyələnib və həmin illərdə də Ankara Universitetinin Tibb fakültəsinin Oftalmologiya kafedrasında cərrah-oftalmoloqun köməkçisi kimi çalışıb.
2023-cü ilin fevral-noyabr aylarında özəl tibb müəssisələrində cərrah-oftalmoloq işləyib.
2019, 2020 və 2022-ci illərdə Türk Oftalmoloji Dərnəyinin Milli Konqreslərində təqdimatlarla çıxış edib. Müxtəlif elmi konfransların iştirakçısı olub.
