Dənizkənarı obyektlər çimərlik mövsümünə hazırlaşır. Sumqayıt24 bu haqda 28 may tarixində xəbər verir.
Əksər restoran və iaşə obyektlərində artıq stol-stul dəstləri düzülüb, abadlıq işləri yekunlaşıb. Obyektlərdən birinin administratoru İbrahim Novruzov Xezerxeber.az-a bildirib ki, insanların restoran ərazisindən daxil olaraq dənizdə çimməsinə heç bir məhdudiyyət tətbiq edilmir. Onlar yalnız obyektin xidmətlərindən yararlandıqda ödəniş etməli olacaqlar.
Xidmət qiymətləri isə növünə görə dəyişir. Məsələn stol-stul dəsti kölgəliyi ilə birlikdə adam sayına görə 10-30 manata veriləcək. Bu il yemək qiymətlərində də ciddi dəyişiklik gözlənilmir.
O da qeyd olunub ki, bəzi qida məhsulları ilə restoran ərazisinə daxil olmaq qadağandır.
