Millət vəkili Emin Hacıyev “Saray körpüsü”nün vəziyyəti ilə bağlı çıxış edib. Bu haqda 16 mart tarixində Sumqayıt24 Unikal.az-a istinadən məlumat verir.
"Sumqayıt şəhərinə 2-ci əsas giriş – Saray qəsəbəsi tərəfdən olan körpü qəzalı vəziyyətdədir. Dəfələrlə mətbuatda məsələ işıqlandırıldıqdan sonra və çökmələr olduğundan körpünün üzərində olan işıqforun fəaliyyəti dayandırılıb", – bu sözləri Milli Məclisin iclasında deputat Emin Hacıyev bildirib.
"Nəzərə alsaq ki, körpünün altından dəmiryol qatarı keçir, körpü çökərsə, texnogen fəlakət ilə yanaşı, insan tələfatı da baş verə bilər. Bu səbəbdən məsələyə həssas yanaşılaraq təcili tədbir görülməsini xahiş edirəm", – deyə deputat əlavə edib.
