Sumqayıt şəhər prokurorluğunun inzibati binasında regional iclas keçirilib. Bu haqda 11 mart tarixində Sumqayıt24 Baş Prokurorluğa istinadən məlumat verir.
Toplantıda Sumqayıt Apellyasiya Məhkəməsinin yurisdiksiyasında olan şəhər, ağır cinayətlər və apellyasiya məhkəmələrinin dövlət ittihamçıları iştirak ediblər.
İclasda dövlət ittihamçılarının fəaliyyəti ilə əlaqədar qarşıda duran vəzifələr, istintaq qurumları ilə səmərəli qarşılıqlı əməkdaşlığın qurulması, məhkəmə səhvləri, bəraət hökmləri, protestlərin verilməsi təcrübəsi kimi məsələlər ətrafında geniş müzakirələr aparılıb. Eləcə də Baş prokuror Kamran Əliyevin tapşırıq və tövsiyələri iştirakçıların nəzərinə çatdırılıb.
