Sumqayıt teatrına ağır itki üz verib. Sumqayıt24 bu haqda 13 aprel tarixində xəbər verir.
Əməkdar artist Namis Şirməmmədov 62 yaşında dünyasını dəyişib. O, uzun müddət xəstəlikdən əziyyət çəkirdi.
Namis Şirməmmədov 3 aprel 1962-ci ildə anadan olub. 1983-1989-cu illər ərzində Sumqayıt Dövlət Dram Teatrında çalışıb. Həsənağa Turabovun dəvəti ilə 1997-ci ilədək Akademik Milli Dram Teatrında fəaliyyət göstərib.
1997-ci ildə yenidən Sumqayıt Dövlət Dram Teatrına gələrək 2008-ci ilə qədər aktyorluq edib. N. Şirməmmədov daha çox dramatik xarakterli rolları ifa edib. 2008-ci ildən isə teatrın quruluşçu rejissoru olub.
2008-ci ildə Prezident İlham Əliyev onu “Əməkdar artist” fəxri adına, 2013-cü ildə isə “Tərəqqi” medalına layiq görüb.
N. Şirməmmədov A. Babayevin “Xilaskar” əsərində ulu öndər Heydər Əliyev obrazını canlandırıb.
