FHN-in Dövlət Yanğın Nəzarəti Xidmətinin mütəxəssislərinin iştirakı ilə maarifləndirici təlimlər keçirilib. Bu haqda 23 dekabr tarixində Sumqayıt24 Fövqəladə Hallar Nazirliyinə (FHN) istinadən məlumat verir.
Təlimlər 2 nömrəli Regional “ASAN xidmət” Mərkəzində, 1 nömrəli Uşaq-Gənclər İnkişaf Mərkəzində və 31 nömrəli məktəbdə baş tutub.
Seminarlarda fövqəladə halların təsnifatı, yanğınların başvermə səbəbləri və bu zaman zəruri davranış qaydaları barədə ətraflı məlumat verilib. Həmçinin ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
İnteraktiv formada keçirilən tədbirlər zamanı suallar ətraflı cavablandırılıb.
