Sumqayıtda “Giltex” MMC-yə məxsus pambıq anbarında yanğın-taktiki təlim keçirilib. Bu haqda 5 aprel tarixində Sumqayıt24 Fövqəladə Hallar Nazirliyinə (FHN) istinadən məlumat verir.
Burada FHN-in Sumqayıt Regional Mərkəzinin əməkdaşları iştirak ediblər. Baş vermiş şərti yanğın yerinə operativ çatan yanğından mühafizə bölmələri işçilərin “təhlükəli ərazidən” təxliyə edilməsi, “yanğın” yerində çevik kəşfiyyatın aparılması və “yanğının söndürülməsi”, Regional Mərkəzin xilasetmə qrupu isə ərazidə “yaralıların xilas edilməsi” əməliyyatlarını yerinə yetiriblər.
Təlimə ümumilikdə FHN-in 9 texnikası və 65 nəfərdən ibarət şəxsi heyəti cəlb olunub.
