Sumqayıtda "Fövqəladə hallarla bağlı davranış və yanğın təhlükəsizliyi qaydaları" mövzusunda maarifləndirmə tədbiri keçirilib. Bu haqda 5 aprel tarixində Sumqayıt24 xəbər verir.
Seminar Xidmət Sahələri üzrə Sumqayıt Dövlət Peşə Təhsil Mərkəzi və FHN-in Sumqayıt Regional Mərkəzinin birgə təşkilatçılığı ilə baş tutub.
"Fövqəladə halların təsnifatı", "Zəlzələ zamanı necə davranmalı?", "Suda boğulma hallarında davranış qaydaları", "Torpaq sürüşməsi zamanı davranış qaydaları", "Məişətdə yanğın zamanı davranış qaydaları", "Odsöndürən balonlardan istifadə", "Dəm qazı" və "112" qaynar xətti" mövzularında çıxışlar edilib, mövzulara aid videoçarxlar nümayiş etdirilib.
Sonda mövzulara dair suallar cavablandırılıb və maarifləndirmə xarakterli təbliğat materialları, yaddaş kitabçaları, bukletlər paylanılıb.
