Fövqəladə Hallar Nazirliyinin (FHN) Sumqayıt Regional Mərkəzi tərəfindən mülki müdafiə kursu keçirilib. Bu haqda 5 mart tarixində Sumqayıt24 FHN-ə istinadən məlumat verir.
Seminar “Ümumtəhsil orta məktəblərin təlim-tərbiyə işləri üzrə direktor müavinləri” kateqoriyası üzrə təşkil olunub. Təlimdə kollektiv mühafizə vasitələrindən istifadə, təxliyə planlarının düzgün hazırlanması, təbii və texnogen xarakterli fövqəladə hadisələr zamanı davranış, xilasetmə alət və avadanlıqlarından istifadə qaydaları izah edilib.
Sonda kursu müvəffəqiyyətlə başa vurmuş dinləyicilərə şəhadətnamələr təqdim edilib.
