“Glassica” QSC istehsalatı 40% artırıb. Sumqayıt24 bu haqda 15 iyun tarixində xəbər verir.
Sumqayıt Kimya Sənaye Parkının (SKSP) rezidenti bu ilin yanvar-may aylarında 3 milyon manat dəyərində 12-13 milyon ədəd butulka istehsal edib. Şirkətin illik istehsal gücü isə məhsulun ölçüsündən asılı olaraq, 40-50 milyon ədəd butulkadır.
“Glassica” hazırda istehsal gücünün 75-80%-i həcmində məhsul istehsal edir. Hədəf bu rəqəmi ilin sonunadək 85%-ə çatdırmaqdır.
Qeyd edək ki, “Glassica” ilk dəfə olaraq Rumıniya və Moldovaya butulka ixrac edib. Bu, ölkəmizdən Avropaya ilk butulka ixracı olub.
