Sumqayıtda YAP Veteranlar Şurasının üzvü Zərifə Quliyevanın kitabının təqdimatı mərasimi baş tutub. Bu haqda 20 aprel tarixində Sumqayıt24 xəbər verir.
“Heydər Əliyev İrsi” adlı kitabın təqdimatı Yeni Azərbaycan Partiyası (YAP) şəhər təşkilatında keçirilib. Mərasimdə əvvəlcə Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib.
AMEA-nın Fəlsəfə və Sosiologiya İnstitutunun şöbə müdiri, professor Rəna Mirzəzadə, filologiya üzrə fəlsəfə doktoru yazıçı-publisist Şərəf Cəlili, Sumqayıt Poeziya Evinin rəhbəri İbrahim İlyaslı, Qərbi Azərbaycan İcmasının Sumqayıt nümayəndəliyinin rəhbəri Ramiz İsmayılov və digərləri çıxışlarında ümummilli lider Heydər Əliyevin Azərbaycanın inkişafında, müstəqilliyimizin möhkəmləndirilməsində əvəzsiz xidmətlərindən, həyatımızın ayrı-ayrı sahələrinin inkişafına göstərilən dövlət qayğısından danışıblar.
