İyun ayının qeyri-iş günləri açıqlanıb. Sumqayıt24 bu haqda 31 may tarixində xəbər verir.
15 iyun Milli Qurtuluş Günü, 16-17 iyun Qurban bayramı, 26 iyun isə Azərbaycan Respublikasının Silahlı Qüvvələri Günüdür. Əmək Məcəlləsinə uyğun olaraq, 15 iyun şənbə, 16 iyun bazar gününə təsadüf etdiyi üçün 18 və 19 iyun tarixləri də qeyri-iş günləri olacaq.
Bununla da ardıcıl olaraq 15, 16, 17, 18 və 19 iyun tarixlərində iş olmayacaq. Həmçinin iyunun 26-da qeyri-iş günü olacaq.
Nəticədə şənbə və bazar günləri də daxil iyunda 14 qeyri-iş günü olacaq.
