Sumqayıt şəhərinin küçə və prospektlərində elektron lövhələrdə “Narkotiklərdən istifadə beyində silinməz izlər buraxır” və “802 qaynar xətt” adlı sosial çarxların nümayişinə başlanılıb. Bu haqda 24 iyun tarixində Sumqayıt24 Azərtac-a istinadən məlumat verir.
Sosial çarxlar 26 İyun – Narkotik vasitələrin sui-istifadəsi və qanunsuz dövriyyəsi ilə Beynəlxalq Mübarizə Günü ilə əlaqədar Dövlət Reklam Agentliyi vasitəsilə həyata keçirilir.
Tədbirin məqsədi narkotik vasitələrin qanunsuz dövriyyəsinə və narkomanlığa qarşı mübarizə sahəsində sosial maarifləndirmə işinin daha da genişləndirilməsidir.
Videoçarxların uzun müddət yayımlanması nəzərdə tutulur.
