H.Z. Tağıyev qəsəbəsində sürücülər çətinlik çəkirlər. Sumqayıt24 bu haqda 18 aprel tarixində Oxu.az-a istinadən xəbər verir.
Qəsəbədən Bakı–Quba magistralına gedən yolda bildiriş lövhəsi yoxdur. Yoldakı işarələnməmiş dairə əsl təhlükəyə çevrilib.
Sürücülər iddia edirlər ki, sadəcə rənglə çəkilən dairənin mövcudluğunu göstərən hər hansı nişan olmadığından bu ərazidə tez-tez ağır qəzalar baş verir.
Azərbaycan Avtomobil Yolları Dövlət Agentliyindən (AAYDA) bildirilib ki, sürücü və sakinlərin istəyi nəzərə alınaraq, əraziyə baxış keçiriləcək. Nöqsan və problem varsa, qısa vaxt ərzində aradan qaldırılacaq.
