Sumqayıtda məktəblərin qarşısında sahibsiz itlərin toplanması ilə bağlı rəsmi qurum münasibət bildirib. Bu haqda 12 mart tarixində Sumqayıt24 Baku TV-yə istinadən məlumat verir.
Bu hal 4 və 39 nömrəli məktəblərin ərtrafında müşahidə olunur. Sakinlərin sözlərinə görə, mövcud vəziyyət hər gün təkrarlanır. Şikayətçilər məsələ ilə bağlı dəfələrlə aidiyyəti qurumlara müraciət etsələr də, heç bir tədbir görülmür.
“Şəhərdə sakinlərin təhlükəsizliyinin təmin edilməsi məqsədilə davamlı olaraq sahibsiz itlərin götürülməsi və sığınacaqlara yerləşdirilməsi işləri həyata keçirilir. Eyni zamanda sahibsiz itlərin peyvəndlənməsi işləri aparılır. Qurum tərəfindən aidiyyəti qurumlara tədbirlərin daha da gücləndirilməsi üçün tapşırıq verilib”, – deyə məsələ ilə bağlı Sumqayıt Şəhər İcra Hakimiyyətindən (ŞİH) bildirilib.
