Saray qəsəbə 2 nömrəli tam orta məktəbin şagirdləri ilə maarifləndirici tədbir keçirilib. Bu haqda 16 aprel tarixində Sumqayıt24 Abşeron–Xızı Regional Təhsil İdarəsinə istinadən məlumat verir.
Ekoloji Bilik Günü ilə əlaqədar keçirilən tədbir uşaqlar arasında ətraf mühit sahəsində məlumatlılığı artırmaq, onların marağını bu sahəyə yönləndirmək məqsədilə təşkil olunub.
Məktəbin həyətində “Tullantıları tinglərə dəyiş” aksiyası baş tutub. Şagirdlər ümumi tutumu 1950 litr olan plastik, 510 litr olan şüşə tullantı və 334 ədəd işlənmiş batareya təhvil verərək əvəzində müxtəlif növ ağac tingləri, ekoçanta, ətraf mühit sahəsində dərsdənkənar vəsaitlər əldə ediblər.
Layihə Ekologiya və Təbii Sərvətlər Nazirliyi və ASAN Könüllülərinin “Yaşıl ASAN” proqramı çərçivəsində reallaşıb.
