“Novxanı” xalçasının hanadan kəsimi ilə bağlı mərasim keçirilib. Sumqayıt24 bu haqda 7 iyun tarixində xəbər verir.
Bu mərasim Azərbaycan Milli Xalça Muzeyində gözəl ənənəyə çevrilib. Burada mədəniyyət ocağının kollektivi ilə yanaşı, ziyarətçilər də iştirak ediblər.
Qeyd edək ki, yeni ərsəyə gələn sənət nümunəsi muzeyin kolleksiyasında qorunan XIX əsrin sonu – XX əsrin əvvəllərinə aid “Novxanı” xalçasının replikasıdır.
Əsər muzeyin şöbəsində xalçaçı rəssam Şəbnəm Piriyevanın texniki çeşnisi əsasında Gülxar Soltanova tərəfindən toxunub.
