Xidmət Sahələri üzrə Sumqayıt Dövlət Peşə Təhsil Mərkəzinin müəllim və tələbələri ekskursiyada olublar. Bu haqda 23 aprel tarixində Sumqayıt24 xəbər verir.
Kollektiv Ramana qəsrini ziyarət edib. Tələbələrə Ramana qəsrinin tarixi, Qəsrin Şirvanşahların sifarişi ilə XIV əsrdə inşa edilməsi və qədim dövrlərdə qəsrdən qonaq evi kimi istifadə edilməsi haqqında məlumat verilib.
Daha sonra iştirakçılar Böyük Mərdəkan Qəsrinə ekskursiya ediblər. Bələdçinin köməyi ilə tələbələr Mərdəkan Qəsri haqqında maraqlı məlumatlar əldə ediblər. Sonda mərkəzin heyəti XV əsrə aid Tuba Şahi məscidi və XIII-XIV əsrlərə aid sənduqə ilə də tanış olub.
