Sumqayıt Dövlət Universitetində (SDU) Peşəkar Spikerlər Seriyası (PSS) çərçivəsində növbəti təlim keçirilib. Bu haqda 28 mart tarixində Sumqayıt24 xəbər verir.
Karyera və Məzunlarla İş Mərkəzinin təşkilatçılığı ilə keçirilən seminarda PSS layihəsinin mahiyyəti barədə tələbələrə məlumat verilib. Qeyd edilib ki, mütəmadi olaraq peşəkar mütəxəssislər tərəfindən tələbələrlə görüşlər təşkil olunur, ustad dərsləri, stimullaşdırıcı tədbirlər həyata keçirilir. Tələbələrin sualları əsasında müxtəlif mövzularda diskussiyalar aparılıb.
Məqsəd iş mühitində müvəffəqiyyət qazanmış, sahibkarlıq fəaliyyəti ilə məşğul olan spikerlərlə tələbələrin görüşünü gerçəkləşdirmək və onların gələcək karyera planlarına dəstək verməkdir.
