Professor Fuad Həsənov Sumqayıt Tibb Mərkəzində (STM) seminar keçirib. Bu haqda 23 aprel tarixində Sumqayıt24 STM-ə istinadən məlumat verir.
"Əməliyyatönü dövrdə infuzion dəstək. Cərrahi nöqteyi-nəzər" mövzusunda keçirilən seminarda cərrahlar və digər ixtisas həkimləri iştirak ediblər.
Professor xəstəliklərə müasir cərrahi yanaşma, xəstəliklərin konservativ və cərrahi müalicəsində son tədqiqatlardan bəhs edib. O, xəstəliklərin əməliyyatönü qiymətləndirilməsi, əməliyyatdaxili dövrdə diqqətə alınmasının faydaları, konservativ müalicələrin əməliyyat sonrası klinikada rolu barəsində seminar iştirakçılarına geniş məlumat verib.
Sonda məruzəçi seminar iştirakçılarını maraqlandıran sualları cavablandırıb.
