Milli Qəhrəman şəhid Şükür Həmidovun doğum günüdür.
Polkovnik Həmidov 1 aprel 1975-ci ildə Qubadlı rayonunun Armudlu kəndində doğulub. O, ailənin doqquzuncu övladı idi. Qubadlı rayonunun işğalından sonra ailəsi ilə birlikdə Sumqayıt şəhərinə köçüb.
Şükür Həmidov Aprel döyüşlərində (2016-cı il) Lələtəpə strateji nöqtəsinin alınmasında xüsusilə fərqlənib. Bu səbəbdən Prezident İlham Əliyev onu Azərbaycanın Milli Qəhrəmanı adına layiq görüb.
Vətən müharibəsində isə polkovnik Cəbrayıl, Füzuli və Qubadlıda gedən döyüşlərə qatılıb. 22 oktyabr 2020-ci ildə isə doğulduğu və 18 yaşında didərgin düşdüyü Qubadlı rayonunda həlak olub. II Fəxri xiyabanda torpağa tapşırılıb.
Ölümündən sonra “Zəfər” ordeni, “Füzulinin azad olunmasına görə”, “Cəbrayılın azad olunmasına görə” və “Qubadlının azad olunmasına görə” medalları ilə təltif edilib.
